Wednesday, 15 August 2012

ST: AGUSTIN, PRAY FOR US


 ST: AGUSTIN

                                       
                                       വി. അഗസ്തീനോസിനോടുള്ള പ്രാര്‍ത്ഥന


                                               സര്‍വ്വലോക സ്രഷ്ടാവും നിയന്താവുമായ ദൈവമേ, അങ്ങ് വിജ്ഞാനത്തിന്‍ന്‍റെയും ,ചിന്തയുടെയും പ്രകാശക്കതിരുകള്‍ വിതറി, വഴിതെറ്റിയ മനുഷ്യമക്കളെ മഹിമയിലെക്കുയര്‍ത്തി, വിശുദ്ധിയുടെ കിരീടമണിയിച്ച്‌, ഞങ്ങള്‍ വിശ്വാസസ്ഥിരതയും ജീവിത പ്രത്യാശയും പ്രദാനം ചെയ്യുന്നുവല്ലോ.!

                                        ലോക രക്ഷകനായ ക്രിസ്തുവിന്‍റെ വിശ്വസ്ത പ്രേഷിതനായ വി. അഗസ്തീനോസേ പാണ്ടിത്യതിന്‍റെ പടവാളുയര്‍ത്തി തിരുസഭാ സംഹാരകാനായി ജീവിതമാരംഭിച്ച അങ്ങയെ തന്‍റെ വല്‍സലമാതാവായ വി. മോനിക്കയുടെ കണ്ണുനീരില്‍ കുതിര്‍ന്ന പ്രാര്‍ഥനാശക്തിയാല്‍ സഭയുടെ ശക്തനായ കാവല്‍ഭടനായിമാറ്റുവാന്‍ ദൈവം തിരുമാനസ്സായല്ലോ! അങ്ങയുടെ സ്വര്‍ഗീയ മാധ്യസ്ഥം തേടി ഈ തീര്‍ത്ഥസാങ്കേത്തില്‍ അണഞ്ഞിരിക്കുന്ന ഞങ്ങള്‍ക്ക് ദൈവസന്നിധിയില്‍ നിത്യസമ്മാനതിനുള്ള യോഗ്യത പ്രാപിച്ചു തരണമേ.

  
                                             നല്ല ഇടയനായ ക്രിസ്തുനാഥാ രക്ഷനീയ കര്‍മ്മത്തിലൂടെ അങ്ങ് നേടിയെടുത്ത ഈ അജഗണത്തെ സുരക്ഷിതത്വത്തിന്‍റെ പാതയിലൂടെ സ്വര്‍ഗീയ മേച്ചില്‍പുറങ്ങളിലേക്കും ദിവ്യചൈതന്യം തുളുമ്പുന്ന നീര്‍ച്ചാലുകളിലേക്കും നയിക്കുന്നതിനു നിയോഗിക്കപെട്ട വി. അഗസ്തീനോസിനെ വണങ്ങുവാന്‍ അങ്ങേ തിരുസന്നിധിയില്‍ അണഞ്ഞിരിക്കുന്ന ഞങ്ങളെ കരുണയോടെ നോക്കണമേ! ദൈവമക്കളെ വിശ്വാസത്തില്‍ നിലനിര്‍ത്തുവാന്‍ പാഷണ്ടതകള്‍ക്കെതിരെ ഉഗ്രമായി പട പൊരുതി ജയിച്ച വി. അഗസ്തീനോസു ഞങ്ങള്‍ക്ക് കാണിച്ചു തന്ന സഹനമധുരമായ കുരിശിന്‍റെ പാതയിലൂടെ പ്രയാണം ചെയ്തു കണ്ണുനീരിന്‍റെ ഈ താഴ്വരയില്‍ ജീവിത ഭാരത്താല്‍ വിവശരായി പ്രലോഭനങ്ങളില്‍ തളര്‍ന്നുവീഴാതെ സ്വര്‍ഗീയ പിതാവിന്‍റെ പക്കല്‍ അണയുവാന്‍ ഞങ്ങളെ അനുഗ്രഹിക്കണമേ!.


                    ദൈവത്തിനായി സൃഷ്ടിക്കപ്പെട്ട മനുഷ്യാത്മാവിന്‍റെ നിത്യസ്വസ്തത ഈശ്വരസായൂജ്യമാണെന്ന് പഠിപ്പിച്ച ഞങ്ങളുടെ ഗുരുവും പിതാവുമായ വി. അഗസ്തീനോസേ ഞങ്ങളെ സഹായിക്കണമേ
                                                                                                     
                                                                                                                                                                                         ആമ്മേന്‍.  


SayWeAre the power-   xaviersons

No comments:

Post a Comment